TV77తెలుగు కొండపల్లి :
పాలకవర్గ కొలువులకు ఊహించని బ్రేక్....!!!
కొండపల్లి మున్సిపాలిటీ ప్రమాణ స్వీకారం, పాలకవర్గ ఎన్నిక నిరవధిక వాయిదా వేసిన ఎన్నికల అధికారులు...!!
శాంతి భద్రతల దృష్ట్యా పాలక వర్గం ఎన్నిక వాయిదా వేస్తున్నట్లు ప్రకటించిన ఈసి...!!
కొండపల్లి మున్సిపాలిటీ కార్యాలయం వద్ద రెండవ రోజు కొనసాగిన హైటెన్షన్...!!!
జరక్క జరక్క ఎన్నికలు జరిగాయి. జరిగిన ఎన్నికలకు సంభదించి సంపూర్ణ ఫలితం మాత్రం మళ్ళీ అటకెక్కినట్లు అయ్యింది. చారిత్రక కొండపల్లి మున్సిపాలిటీ పాలకవర్గ పగ్గాలు ఎవరికి దక్కుతాయి అన్న అంశంపై రాష్ట్ర వ్యాప్తంగా చర్చ నడుస్తోంది. ఈ నేపథ్యంలో రెండు రోజుల హై డ్రామా తరువాత ఎన్నికల నిర్వహణ అధికారులు ఊహించని షాక్ తగిలించారు. కొండపల్లి మున్సిపాలిటీ పాలకవర్గ ఎన్నిక ప్రక్రియ నిరవధిక వాయిదా వేస్తూ ఈసి సంచలన నిర్ణయం తీసుకుంది. శాంతి భద్రతల పరిరక్షణ నేపథ్యంలో కొండపల్లి మున్సిపాలిటీ పాలకవర్గం ఏర్పాటు సాధ్యం కాదని తేల్చి చెప్పింది. ప్రమాణ స్వీకారం కార్యక్రమం లో అభ్యంతరాలు వెల్లువెత్తడంతో గత రెండు రోజులు గా ప్రమాణ స్వీకారం నిర్వహణ సాధ్యపడలేదు. దీంతో కొండపల్లి మొట్ట మొదటి పాలకవర్గ ఎన్నిక గందరగోళానికి దారితీసింది. అత్యంత ప్రతిష్టాత్మకంగా జరిగిన కొండపల్లి పుర పోరులో ఏపార్టికి స్పష్టమైన సీట్లు రాకపోవడం తో గెలుపొందిన కౌన్సిలర్ల లో అయోమయం నెలకొంది. గెలిచి కౌన్సిల్ లో తమ గళం వినిపించాలని ఆశ పడిన కౌన్సిలర్ల కు జరుగుతున్న నాటకీయ పరిణామాలు అసంతృప్తి తో రగిలిపోతున్న దుస్థితి దాపురించింది. ప్రస్తుతం కొండపల్లి మున్సిపాలిటీ పాలకవర్గం ఎన్నిక నిరవదిక వాయిదా వేయడం తో ఆయ పార్టీల నేతలు భవిష్యత్ కార్యాచరణ పై దృష్టి సారించినట్లు తెలుస్తోంది.
రిపోర్టర్,సత్య..మైలవరం